Sindhu leh Srikanth an chak lo

Rio Olympic silver medallist P V Sindhu leh Kidambi Srikanth te chu China Open World Tour Super 750 aṭangin an tla, Zirtawpni khan Indian player pahnih hi quarterfinal paltlang zo loin an tla ve ve a ni.

Hmeichhe singles lamah seeded pathumna Sindhu chuan China nula He Bingjiao a ngam thei lo, seeded pariatna lakah hian 17-21 21-17 15-21 in a chak lo. Tun season chhungin Sindhu hian a hmawr a bawk fuh hleithei lo, Commonwealth Games, World Championship leh Asian Games-ah te silver medal a dawng.

Mipa singles cham­pion tura rinkai Srikanth pawh world number 3 Chou Tien Chen lakah 14-21 14-21 in a chak lo. Tun season-a khel ṭha tak Chen hian hnehna chang turin minute 35 bak hun a hmang lo a, tun hnaiah inelna panga zinga pathumah nomawi a chawi theih avangin Srui­kanth tan a awlsam lo.