Usyk lakah Bellew a vanduai

Tony Bellew-a'n khawvel barakhaihin Oleksandr Usyk a hneh tur thu sawi mah se Ukrainian boxer hmaaah Bellew a ding zo lo a, round riatnaah a tlawm.

Manchester Arena-a inhnekah hian round riatnaa a tluk hma zawng chuan Bellew hi judge ho scorecard-ah hmahruaitu a ni char char a, mahse Usyk-a'n a theihna pho­langin a hunah tak British boxer hi a tukdawl.

Kum 31 mi Usyk hian hnehna a chan tak­ah chuan IBF, WBO, WBA leh WBC world cruiser­weight title a kawl lai chu a la him vek tihna a ni a, vawi 16 inhnek a hma­­chhawnah a chak vek bawk.

Bellew chuan, "Hma­chhawn kha a hautak em em a, a len em avangin tharumah ka ngam lo. Ka theihna zawng zawng ka pe a, cruiserweight fighter ṭha ber ka hmachhawn si a ni," tiin a chak loh a pawm.