BCA an sang zual zel

Mizoram Super League champion lai Zarkawt BCA chu season kal laiah pawh team hmuhnawm ber an nih chhunzawm. Zirtawp zan Zarkawt Derby-ah BCA hian Zarkawt Serpents chu 72-56 in an hneh a, match thum an khelh tawhah an chak fai vek.

Hawla Indoor Stadium, Republic Vengthlanga inkhel pakhat zawkah Tuikual South pawhin BC Bethlehem 89-74 in an hneh ve bawk a, Phengphehlep hian a zawna hnehna an chan theih avangin table-ah pahnihna dinhmun an luah.

Champion zia

Season hmasa khan tualchhung player hlangin MSL khelh a ni a, Zarkawt BCA hian chuh buai phaktu nei mang loin nomawi an chawi. Tun season-ah pawh Sowkin Shetty nei ve bawk mah se BCA hian an tualchhuang player neih ṭhat an chhawr

ṭangkai thei hle.

Serprents lakah Zonunsanga chuan point 22 a score bakah rebound vawi thum a la a, tun season bika a vawi khat nan player of the night atan thlan a ni. Zonuna bakah hian Lalrina Renthlei leh Matthew Remtluanga Sailo ten an thawhhlawk bawk - an league match dawt leh atan November 13 tlaiah MSL-3 champion Mission Veng Vikings an hmachhawn leh dawn.

Vawi hnih nan Tuikual

MSL-5 an match hmasa berah Tuikual South an tlawm nghal a, mahse an ngui phah chuang lo. Tunah chuan a zawna an vawi hnih chakna ni turin kai thar BC Bethlehem an hneh, match hnuhnung zawkah Mission Veng Vikings an hneh tawh bawk.

TKS player zingah langsar fal awm lo mah se nidang ang bawkin an thawhhona a ṭha a, player panga - Shashank J Rai, F. Zodinthara, Vanlalrinchhana, Desmond Antwine Medder leh Lalfakmawia te chuan point 10 chuang an score vek. November 14 zana Serpents nen an inkhelh leh hunah pawh thawhhona ṭha bawk an hmachhuan leh tur a ni ang.

9 November, Zirtawpni
Tuikual south 89 - 74 BC Bethlehem
Zarkawt BCA 72 - 56 Zarkawt Serpents
13 November, Thawhlehni
Zarkawt BCA 5:30 PM Mission Veng Vikings
Khatla TBL 8:00 PM BC Bethlehem
14 November, Nilaini
Zarkawt Serpents 7:30 PM Tuikual South
Team Dinhmun
# Team Pld W L PD Pts
1 Zarkawt BCA 3 3 0 40 6
2 Tuikual South 3 2 1 27 5
3 Khatla TBL 3 2 1 20 5
4 Serpents 3 1 2 -19 4
5 Vikings 3 1 2 -33 4
6 Bethlehem 3 0 3 -35 3