D License Coaching Course hawng

Nimin khan AIFF D License Course chu Rajiv Gandhi Stadium, Aizawlah hawn a ni.

He hun hawngtu MFA honorary secretary Lalnghinglova Hmar chuan, "Football-ah hma sawn viauin inhre ṭhin mah ila coach ṭha kan neih tam loh avangin kan hmasawnna a kai rual lo a, ṭan kan lak zel a ngai. India aiawha khel thei player ṭhahnem tak nei chunga A License coach pakhat chiah neih hi kan inhmeh lo a, D License zir tura lo kalte hi tawp mai loin A License thleng tal nih tum ang che u," tiin a fuih.

November 17 thleng kalpui tur coaching course-ah hian district hrang hrang aṭangin coach 24 an tel a ni.

Course instructor tur Khlain Syiemlieh, Shillong chuan, "Mizoram hi ka tán hmun thar a ni lo a, player niin ka lo kal tawh a, coach zir turin (AFC B Licence) ka lo kal tawh a, tunah instructor ka ni dawn a, a phurawm ka ti a, theihtawp kan chhuah tlang dâwn a nia," a ti.

He course-ah hian Danny Lalduhawma chu assistant instructor a ni ang.