South nge West tling dawn?

Mizoram Football Association Veteran League-ah final hmain match hnih chiah a awm tawh a, vawiin tlai dar 4:45 hian Lammualah match khat khelh a ni dawn. League hmahruaitu South Zone leh pathumna dinhmun hauhtu West Zone an inhma-chhawn dawn a, an inkarah point khat chauh a awm avangin semifinal ang hiala sawi theih a ni.

South Zone striker R.Vanlalfela'n goal li a khung tawh a, ani hi 2004 (Inter Village Football) leh 2005 (CYMA Football)-a Republic Veng champion puitu kha a ni a, hemi ṭuma player pawimawh Lalthanpuia'n hmun pawimawh a la chang bawk. Final lut turin South Zone tan point khat a tawk a, chutihrualin an chak lo a nih chuan tla thei an ni.

West Zone-ah hian kum 2000-a CYMA Football-a Zotlang champion puitu keeper Ganesh-a leh Liantluanga Khawlhring te bakah final-a an hmachhawn Vaivakawn midfielder ṭha Joel Lalthangmawia te an awm a, Hmingthansanga (Aizawl FC technical director) a ṭangkai viau bawk. West Zone hian final lut turin chak an mamawh a, an draw erawh chuan North Zone leh East Zone inkhel result zirin an hmalam hun a hril ang.

Fixtures
Vawiin Inkhel Tur
4:45 PM West Zone vs South Zone
November 14, Nilaini
4:45 PM North Zone vs East Zone
Final - November 19, Thawhtanni
 # Team Pld W D L GF GA GD Pts
 1 South Zone 2 1 1 0 6 3 3 4
 2 East Zone 2 1 0 1 2 4 -2 3
 3 West Zone 2 1 1 0 1 1 0 3
 4 North Zone 2 0 1 1 2 3 -1 1