Manipur-in hma an hruai

BCCI hnuaia kum 16 hnuai lam cricket inelna Vijay Merchant Trophy-ah nimin khan Manipur leh Mizoram an intawng a, Manipur-in run 97-in hma an hruai mek.

Suaka Cricket Ground-a inkhelah hian ṭhumvawrah Manipur vanneiin bat hmasak an thleng a, over 54-ah run 184 siama wicket ruk hlohin an duhtawk.

Mizoram tan Priyansh Jain chuan wicket thum lain Mizo team tana vawm ṭha ber a ni. Mizoram hian over 41.1-ah run 87 chiah tlinin over 41.1-ah an out vek a, Priyansh Jain bawk Mizoram tana che ṭha niin run 29 a siam a, batsman dang zingah run 20 vaw kai thei an awm lo.

Ni thum awh match hi vawiinah khelh leh tur a ni a, zing dar 9:00-ah Suaka Cricket Ground, Sihhmuiah an khel ṭan leh ang.