China Open champion Momota

Badminton world champion Kento Mo­mota chuan Pathianni khan Fuzhou China Open no­mawi a chawi leh a, world number 1 hian tun season chhungin World Tour title pali a la tling tawh.

Japanese shuttler hian Chou Tien-chen lakah fiahna hautak a paltlang, darkat khat leh minute ruk an inkhelh hnuah 21-13, 11-21, 21-16 in hnehna a chang.

Kum 24 mi Momota hian tun season chhungin World Championship leh Asia Championship-ah te pawh amah elphak a tawng lo. 2016 Rio Olympic neih ṭuma Japan team aṭanga an paih chhuah hi tunah chuan a ṭhat dan berin a khel chhuak leh tawh a, dan theih a ni rih lo.