Mercedes an chungnung ber
Lewis Hamilton chuan Formula 1 driver champion a nih lawm nan Pathianni zana tlan zawh tak Brazilian Grand Prix-ah hnehna a chang a, Britain tlangval awmna Mercedes team chuan a zawna a vawi nga nan constructors' title an la zui nghal bawk.
Sao Paulo-a intlansiakah Hamilton a tlan ṭha hle a, F1 car a khalh hun chhunga a vawi 72 nana hnehna chang tur hian amah elphak a tawng meuh lo, tun season atan chauh pawh vawi 10 zet hnehna a chang tling ta chiah a ni.
Kum 33 mi Hamilton chuan, "Hun harsa tak tak kan paltlang hnuah ropuina kan chang leh ta a, engine leh tyre hman chungchangah harsatna te tawk ve ṭhin mah ila a tawpah chuan beidawng loa kan beihna rah hi kan seng ṭhin a ni," tiin a sawi.
Mercedes elphak teuh ber Ferrari lamin beisei an phak lo a, team inelna a la nun zel theih nan hnehna an chan a ngai. Mahse, an driver pahnih Kimi Raikkonen leh Sebastian Vettel te chu pathumna leh paruknaah an thleng hram, hei vang hian intlansiak hmabak an la neihah Mercedes an umphak thei tawh lo.
Brazilian Grand Prix Results
# Driver Team
1 Lewis Hamilton Mercedes
2 Max Verstappen Red Bull
3 Kimi Raikkonen Ferrari
4 Daniel Ricciardo Red Bull
5 Valtteri Bottas Mercedes
6 Sebastian Vettel Ferrari
7 Charles Leclerc Sauber
8 Romain Grosjean Haas
9 Kevin Magnussen Haas
10 Sergio Perez Force India
Driver Championship Table (Top 5)
# Driver Team Points
1 Lewis Hamilton Mercedes 383
2 Sebastian Vettel Ferrari 302
3 Kimi Raikkonen Ferrari 251
4 Valtteri Bottas Mercedes 237
5 Max Verstappen Red Bull 234