FIFA-in hun hawng

Football thuneitu sang FIFA chuan Russia leh Ukraine-a player-te tan a bik takin transfer hun a hawng, inkhel thei loa awm mekte tana hun an hawn thu hi Thawhṭanni zan khan an puang.

Ukraine a run avangin FIFA leh UEFA chuan Russia a hrek mek, club leh national team chu eng inelna mah hmachhawn thei lo turin a hrem lailawk mek a, eng chen nge a hrem dawn, tih hriat a la ni lo.

FIFA chuan thuchhuah siamin, "Russia rama foreign player leh coach te chuan kumin June 30 thleng chu an duh a nih chuan an contract an titawp thei a, buaina nei loin club thar an zawm phalsak an ni," an ti.

A bik taka transfer hun hi duh chen chen erawh a ni dawn bik lo, ruahman dan chuan April 7, Ningani thleng a ni ang.