Golden State an che fuh thei lo

Tun hnaiah Golden State Warriors chu a zawnin vawi nga an tlawm ta. Nimin zing NBA regular season inkhelah GSW hi Denver Nuggets lakah 131-124 in an tlawm, insiamṭhat an ngai takzet.

Nuggets tan Nikola Jokic-a'n triple-double (32 points, 15 rebounds & 13 assists) neiin an chakna hnar a ni. Serbian centre hian an match hnuhnung zawka New Orleans Pelicans an hneh ṭum pawhin sulhnu ṭha (46 points, 12 rebounds & 11 assists) a lo hnutchhiah tawh.

Warriors coach Steve Kerr tan tun hnaiah duhthlan tur a vang. A player pawimawh pathum - Stephen Curry, Klay Thompson leh Andrew Wiggins te a chhawr thei lo, anni pahnih hma hian Draymond Green, Andre Iguodala leh Gary Payton Jr. te an lo chawl tawh bawk.

Regular season kal laiah GSW hi vawi 22 ngawt an tlawm tling ta - Western Conference table-ah pathumna la ni mah se, hmahruaitu Phoenix Suns nen an inkar a zau ta hle; Suns hi vawi 13 chauh chak loh la nei an ni.

NBA - Nimin Results
Atlanta Hawks 110 - 113 Detroit Pistons
Chicago Bulls 106 - 121 Philadelphia 76ers
Houston Rockets 106 - 123 Miami Heat
Portland Trail Blazers 81 - 124 Minnesota Timberwolves
Utah Jazz 103 - 111 Dallas Mavericks
Los Angeles Lakers 110 - 117 San Antonio Spurs
Golden State Warriors 124 - 131 Denver Nuggets
New York Knicks 131 - 115 Sacramento Kings