Mizoram an tlawm chiang

BCCI hnuaia Mizo-ramin cricket inelna a thlen hmasak ber Vijay Merchant Trophy Under 16-ah Mizoram an tlawm a, nimin khan Manipur lakah innings khat leh run kuain an tlawm.

Ni thum awh tura rua-hman inelna hi Thawhṭanni khan khelh ṭan a ni a, a ni khatnaah run 97-in Manipur hian hma an hruai. Nimin khan Suaka Cricket Ground-ah khelh chhunzawm leh a ni.

Manipur hian bat chhun-zawmin innings khatah run 228 an siam a, over 71.2-ah an out vek. Mizoramin second innings-ah run 132 chiah an tlin a, over 56.4-ah an out vek.

Mizoramin innings belhkhawma run an siam zat chu 219 a ni a, run kuain Manipur siam zat an umphak lo a, Manipur tan bat nawn ngai loin an chak.