Zaninah TKS leh Serpents intawng dawn

Mizoram Super League season kal laia pahnihna ni lai Tuikual South chuan zanin dar 7:30 hian Hawla Indoor Stadium, Republic Vengthlangah Zarkawt Serpents an hmachhawn dawn.

Team pahnih hi tun hma chuan MSL-ah an intawng tawh ṭhin, mahse season hmasa khan Serpents hian MSL an khel lo - tun ṭuma an intawng leh tur chu team thar pahnih an khel tur anga ngaih theih a ni ang.

TKS hian match hmasa lam ang bawkin team thawhhona ṭha an hmachhuan leh dawn a, court chhungah F. Zodinthara thawnhriat neih tawh chu an chhawr ṭangkai leh ngeiin a rinawm.

Serpents tan semifinal beisei-na a la awm, zaninah an chak lo a nih erawh chuan an dinhmun a him bik lo ang. Coach C. Lalrohlua kaihhruaina hnuaia khel Zarkawt team hian bul an ṭan fuh pawhin a laihawlah an zuih ṭhin, zaninah an ṭangmar thei a nih chuan Phengphehlep hneh thei turin theihna an nei.

Team Dinhmun
# Team Pld W L PD Pts
1 Zarkawt BCA 3 3 0 40 6
2 Tuikual South 3 2 1 27 5
3 Khatla TBL 3 2 1 20 5
4 Serpents 3 1 2 -19 4
5 Vikings 3 1 2 -33 4
6 Bethlehem 3 0 3 -35 3