Final khel tur hriat dawn? North Zone Vs East Zone

Mizoram Football Association Veteran League group match hnuhnung ber chu vawiin tlai dar 4:45 hian North Zone leh East Zone ten an khel dawn. Nimin tlaia South Zone leh West Zone inkhelah eng result pawh thleng se team pakhat zawk tan final-ah khelhna kawng a la inhawng ang.

East Zone hian an match hmasa berah South Zone hneh lo mah se West Zone hnehin an dinhmun an siam ṭha a, a hunlaia Mizo midfielder ṭha leh tuna Mizoram Police coach ni lai Lalbiaksanga Colney chuan inkhel pahnihah hian goal a khung ve ve. East Zone hian Police keeper hlui Zarzokima an kawl a, Police, PWD leh Aizawl FC player hlui Hrangzuala, PHE defender hlui Hnehthanga leh Police wing back hlui B. Lalneihsanga te an kawl a, final thlen an inbeisei ang.

North Zone-in match hmasa bera West Zone laka an vanduai an tuar a, match hnihnaah team ṭha bera ngaih South Zone an draw leh hram avangin beiseina an la nei hram. North Zone hian Chaltlang thiampuipa tia sawi ṭhin Lalṭanpuia, Aizawl FC player hlui Lungmuana, Electric Veng goal khung khawl Muanzova Khiangte bakah Ramhlun thiampuipa an tih ṭhin Vanlalmuana te an neih avangin East Zone beiseina thamral tirtu nih ngei an tum dawn a ni.

Vawiin Inkhel Tur
4:45 PM North Zone vs East Zone
Final - November 19, ThawhṬanni
# Team Pld W D L GF GA GD Pts
1 South Zone 2 1 1 0 6 3 3 4
2 East Zone 2 1 0 1 2 4 -2 3
3 West Zone 2 1 1 0 1 1 0 3
4 North Zone 2 0 1 1 2 3 -1 1