Sunil Chhetri a inhliam

India captain Sunil Chhe­tri chuan Bengaluru tana Kerala Blasters a hmachhawn ṭumin a kerekah hliam a tuar a, Inrinni zana Jordan nen friendly match an khelh hunah a inlan thei dawn lo.

Chhetri khelhna Bengaluru FC chuan zanin dar 7:30 hian league match khel turin FC Goa an luhkhung dawn a, India captain hi BFC aiawh pawh hian a feh chhuak thei dawn lo tihna a ni.

India physiotherapist Gigy George chuan, "BFC medical team lam chuan Chhetri-a din­hmun lanchianna MRI reports min rawn pe tawh a, kar hnih vel tal chu chawlh a mamawh dawn a ni," tiin a sawi.

Kum 34 mi striker hian Indian Super League khelh mek­ah match nga khelin goal li a khung leh der tawh a, Benga­luru tan an chunga awm Goa hmachhawn zana a inlan thei lo tur hi channa nasa tak a ni ang.