Clippers hneh lo GSW an tho chhuak

Nimin zing NBA inkhelah Golden State Warriors chuan Atlanta Hawks chu 110-103 in an hneh a, Los Angeles Clippers laka chak lo hlim Golden State tan chak loh hnu match hmasa bera chak leh nghal hi chanchin ṭha a ni ang.

Thawhlehni khan GSW hian hliam vangin point guard Stephen Curry an chhawr thei lo a, an thiampuipa awm loh ni hian Clippers lakah 121-116 in an chak lo.

Hawks lakah pawh Curry a la inlan thei chuang lo. Mahse, season hmasa lama an innghana ni tawh Kevin Durant inlarin point 29 ngawt a score a, American star Durant bakah hian Klay Thompson leh Quinn Cook te an khel ṭha hle.

NBA champion Gol­den State hian season kal laiah match 12 hnehna an chang tawh a, ṭum thum an chak lo thung. An match lehpek atan Zirtawpni zing dar 6:30 hian Houston Rockets nen an intawng leh ang.