Ukraine inkhelh hun an sawn

Europe aṭanga playoff hmanga World Cup khel tur zawnna chu March 24, Ningani hian khelh ṭan tur a ni. Russia leh Ukraine ram buaina avangin playoff-ah buaina a awm a, Russia hi World Cup khel thei lo tura hrem niin Ukraine erawh an inkhelh hun an sawn.

Ukraine hi Scotland nen Glasgow-a playoff khel tur an ni a, amaherawhchu an ram buaina avangin an ram chhungah inelna an kalpui thei lo. Nikum November thlaa World Cup qualfier aṭanga tehin Ukraine player 23 zinga 15 chu an ram chhung club-a khel an ni a, playoff khel turin an inpeih lo.

Scottish FA chuan FIFA-in inkhelh hun a sawn chu an hriatthiam thu an sawi a, inkhelh hun an sawn avangin Path A bikah playoff final khelh hun pawh sawn a ṭul ang. Path A bika inkhel tur dang Wales leh Austria te erawh sawn a ni lo.

World Cup Playoff
Path A
Semifinal - March 24, Ningani
Wales 1:15 AM Austria
Scotland PSTP Ukraine
Path B
Semifinal - March 24, Ningani
Russia* DISQ Poland
*DISQ - Russia hi an hrem avangin Poland-in final an lut.
Sweden 1:15 AM Czech Republic
Path C
Semifinal - March 24, Ningani
Portugal 1:15 AM Turkey
Italy 1:15 AM North Macedonia

Note
1. Path tin aṭangin team khat zelin World Cup an khel ang.
2. Semifinal leh final hi single lek a khelh tur a ni a, ranking sang zawk (inziak hmasa zawk) home-ah khelh tur a ni. Final khelhna tur hmun hi pawh leh tur a ni.
3. March 29, Thawhlehni zanah Playoff final hi khelh tur a ni.