EPL-ah Fulham kir dawn?

Championship hmahruaitu Fulham chu Premier League lamah an kir leh ngei dawn niin a lang ta. Thawhlehni zan inkhelah Fulham hian Swansea City chu 5-1 ngawtin an luhchhuah a, table-ah point 14 nawtin hma an hruai fal tawh.

Swansea hi a tirah an khel chhe lo, mahse chawlhlawk hma deuhin Ryan Manning chu Harry Wilson laka a foul avangin hnawhchhuah a ni a, inkhel chawhnu lamah goal nga ngawt an chhuah.

Fulham tan Alek-sandar Mitrovic-a'n goal a khung ṭan a, second half ṭan aṭanga second 14 lekah a khung. Neco Williams-a'n goal hnih a neih bakah De Cordova-Reid chuan khungin Ben Cabango-a'n anmahni lamah a tilut bawk.

Championship aṭang hian pakhatna leh pahnihna chu EPL khel turin an tling nghal dawn, pathumna aṭanga parukna inkar erawhin hmunruak pakhat inchuhin playoff an khel thung ang.