Second round-ah Sindhu leh Srikanth

German Open khelh laiah Indian badminton player-te an che ṭha. PV Sindhu, Kidambi Srikanth, Lakshya Sen leh Saina Nehwal te chuan an match hmasa berah an khingpui ṭheuh hnehin second round a inhlangkai.

Seeded pasarihna Sindhu chuan Thailand nula Busanan Ongbamrungphan 21-8, 21-7 in a hneh a, an inkhelh hma hian mipa singles lamah Srikanth chuan world number 39 Brice Leverdez chu minute 48 chhungin 21-10, 13-21, 21-7 in a hneh.

Kum 2019 world champion Sindhu-i'n a match lehpekah chuan Chinese player Zhang Yi Man a hmachhawn dawn, world number 11 Srikanth pawhin Chinese player bawk Lu Guang Zu a hmachhawn ve bawk ang.

Inkhel dangah London Olympics bronze medallist Saina Nehwal chuan Clara Azurmendi 21-15, 17-21, 21-14 in a hneh a, inkhel dangah Indian Open champion Sen-a chuan Kantaphon Wangcharoen 21-6, 22-20 in a hneh ve bawk.