Imola-ah F1 tlan zel dawn

Italy rama motor intlansiakna Imola circuit-ah Formula 1 an tlan zel dawn. Car intlansiakna sang ber nen hian kum 2025 thleng inremna an siam a, tlankawng mawi takah hian kuminah pawh an tlan ang.

Kum 15 zet an hman loh hnuah 2020 aṭang khan Imola circuit hi an hmang ṭan leh a, hripui leng vanga khawvel a buai lai khan he hmunah hian an tlan thei. Beisei aia a hlawhtlin avangin kum thum chhung atan inremna an ziah belh.

Formula 1 chairman Stefano Domenicali chuan, "Tlankawng hi a mawiin a nuam a, a ṭha em em bawk. F1 tan chuan hmun ṭha a ni a, inremna kan siam thei hi a lawmawm hle," tiin a sawi.

Kum 1981 aṭanga 2006 chhung khan San Marino Grand Prix tia tlan a ni ṭhin, tun hnaia an tlan leh aṭang erawh chuan Emilia-Romagna huamchhunga tlan tur a nih avangin Emilia Romagna Grand Prix tih a ni thung.