Hawks aia hriam zawk Bucks

Milwaukee Bucks chuan season hmasa lama an elpui Atlanta Hawks an hneh. Team pahnih hi nikum Eastern Conference final-ah khan an intawng a, inkhel pawimawhah Bucks chakin NBA nomawi an chawi zui bawk.

Nimin zing khan NBA regular season kal laiah intawng lehin, player ṭha Giannis Antetokounmpo awmna Bucks hian 124-115 in hnehna an chang. Giannis-a'n point 43 a neih bakah rebound vawi 12 a la tel a, tun hnaiah a zawnin vawi ruk hnehna an chang ta.

Milwaukee tana inkhel bul ṭantu player panga - Giannis, Khris Middleton, Bobby Portis, Grayson Allen leh Jrue Holliday ten point 10 chuang an nei vek. Player ṭha an ngah miau avangin an khingpui tan hneh an harsa ang.

NBA - Nimin Results
Boston Celtics 115 - 101 Charlotte Hornets
Chicago Bulls 114 - 108 Detroit Pistons
Phoenix Suns 111 - 90 Miami Heat
Atlanta Hawks 115 - 124 Milwaukee Bucks
Los Angeles Lakers 130 - 139 Houston Rockets
Oklahoma City Thunder 102 - 132 Minnesota Timberwolves
Orlando Magic 108 - 102 New Orleans Pelicans
Toronto Raptors 119 - 104 San Antonip Spurs
New York Knicks 107 - 77 Dallas Mavericks
Portland Trail Blazers 85 - 123 Utah Jazz
Denver Nuggets 106 - 100 Sacramento Kings
Washington Wizards 109 - 115 Los Angales Clippers