Pedro Neto-a'n contract pawtsei

Wolverhampton Wanderers forward Pedro Neto chuan kum 2027 thleng atan contract a pawtsei. Kum 22 mi Portuguese forward hian kum 2020 khan kum nga atan contract a ziak a, tunah hian season hnih dang a ziah belh.

Neto hian kum 2019 khan Braga aṭangin Wolves hi a zawm a, player pawimawh ni nghalin match 83-ah goal 10 a khung tawh. English club tana a khelh hnuah Portugal tan pawh koh a ni a, November 2020-a Andorra 7-0 a an sawp ṭumin ram tan a khel ṭan.

Neto chuan, "Helai hmun hi nuam ka ti a, ka tan chuan in ang mai a ni. Wolves hian theihna sang tak an nei bawk," tiin a contract pawhsei chhan a sawi. Nizan khan Wolves-in Watford an hmachhawn a, March 13, Pathianni zan hian Everton an hmachhawn leh ang.