Radwanska a chawl ta

Wimbledon final pawh khel tawh Agnieszka Radwanska chuan tennis a chawlhsan thu a puang a, kum 29 mi chauh a la ni. World number 2 hlui hian 2012 khan Wimbledon final thleng mah se Serena Williams a ngam lo.

Radwanska hi khaw­vel player ṭha berte zingah a tel phak a, kum 13 chhung tennis a khelh chhung hian WTA titles 20 a la hman. Kum 2008-2016 thleng kha chuan ranking lamah a sang 20 zinga tel chungin season a khar ziah a ni.

A chawlh thu sawiin Rad­wanska chuan, "Ka nuna thil thleng, sawi chhuah harsa ka tih berte zinga mi a ni. Vanduai thlak takin tunah hian nitin tennis khel tura training neih ka tlin ta lo, ka taksa hriselna a tlahniam hle a ni. Professional tennis khel tur chuan chak ṭhat a ngai a, chutiang tur chuan ka taksa ka nawr lui thei rih lo a ni," tiin a sawi.