LeBron James a ropui zel

Basketball inelna ngaihhlut ber NBA chan­chinah LeBron James chu point score hnem pangana a ni ta. Los Angeles Lakers player hian nimin zing khan point 44 ngawt score in Portland Trail Blazer lakah a team hi 126-117 in hnehna a chanpui.

NBA season 15 chhung a khelh tawh chin­ah James hian point 31,425 a core tling ta a, a chungah hian Michael Jordan (32,292), Kobe Bryant (33,643), Karl Malone (36,928) leh Kareem Abdul-Jabbar (38,387) te chiah an awm tawh - James hian a la score belh nual dawn a, record zawng zawng erawh a khum lo mai thei.

Most Valuable Player atana vawi li thlan tawh James chuan, "Basketball pla­yer ropui tak takte huanga ka hming an lamrik hi chuan ka lawm a, mak ka ti ṭhin. ka chawr chhuahna khaw lian lo leh hmun tlawm takte ka rilruah a lo thar leh ṭhin a ni," tiin a sawi.

American player chuan sawi zawmin, "Mi ṭhenkhat record ka khum a, nakinah chuan kan record hi an rawn khum hun pawh a la awm ve ang. Chutih rualin kan hun hma chhunga kan hming an sawi ve ṭhin hi chawimawina a tling," a ti. Lakers coach Luke Walton chuan James a lawmpui thu leh, hetiang dinhmun a thleng thei chu team tan a pawimawh thu a sawi ve bawk.