Ramhlun North-in relegation playoff khel dawn

Mc Dowell's No. 1 Soda Mizoram Premier League-ah Ramhlun North chuan Chawnpui FC lakah point hlu tak an hlawh chhuak a, pasarihna dinhmun nemnghetin relegation playoff an khel dawn.

Nimin Lammual inkhel-ah hian goal a lut lo a, Ramhlun North-in point 11 hmu chiahin an hnuaia awm Bethlehem Vengthlang nen an inkarah point thum chauh awm mah se head to head-ah an ṭhat zawk avangin table mawngphahah an tla thla thei tawh lo.

Chawnpui FC erawhin league round match hnuhnung ber an khelh hmain parukna dinhmun an nemnghet tawh a, chutichung chuan Ramhlun North lakah point thum hlawhchhuah tumin an khel a. Point mamawh zawk Ramhlun North-in inkhel thunun mah se Chawnpuiin goal khung theihna hun ṭha ber an nei a, Vanlalthanga'n hnai tak aṭangin crossbar a tauh per a, goal an khung lo.

# Team Pld W D L GF GA GD Pts
1 Chhinga Veng FC 12 9 2 1 16 6 10 29
2 Aizawl FC 12 7 4 1 24 10 14 25
3 Mizoram Police 13 6 0 7 20 15 5 18
4 Electric Veng FC 13 6 2 5 15 15 0 20
5 Chanmari FC 13 5 3 5 16 17 -1 18
6 Chawnpui FC 14 3 6 5 13 18 -5 15
7 Ramhlun North 14 2 5 7 14 27 -13 11
8 Bethlehem VT 13 2 2 9 13 23 -10 8