Muaythai Championship nei ṭan

Inter District Muay­thai Championship vawi khatna chu nimin aṭang khan Ramhlun Indoor Stadium-ah khelh ṭan a ni a, district paruk- Aizawl, Lunglei, Saiha, Serchhip, Kolasib leh Champhai atangin player 154 an tel.

District hrang hrang hnuaia club inelna hma­sa berah hian weight category 28 a awm a, fight bakah De­mon­stra­tion leh Wai Kru hmanga inelna a vawi khat nan buatsaih a ni bawk.

Inter District Muay­thai Championship den­chhen hian Samuel Lalrozama kaihhruaina hnuaiah referee & judge training leh refresher course bakah instructor training neih a ni. Ningani khan tel turten hming pelutin inbuk a ni a, medical doctor enfiahna hnuaiah fitness test neih zel a ni a, fit tawk lote tel theih a ni lo.