Zaninah Basketball ennawm

Mizoram Super League season 5 kal laiah semifinal khel tur team pali a chiang tawh a, nizan inkhel result a zirin an khingpui tur a chiang bawk ang. League round khelh zawh a nih tawh avangin zanin hian 'Basketball Ennawm' chhuah a ni dawn.

A hmuhnawm dawn

Hawla Indoor Stadium, Republic Vengthlangah MSL khelh laia player ṭha thlan chhuah ten All Star Game an khel dawn. MSL club paruk chu hmun hnihah ṭhen an ni a, Zarkawt club pahnih BCA leh Serpents bakah Tuikual South te chu North lamah awmin; Khatla TBL, Mission Veng Vikings leh BC Bethlehem te chu South an ni thung.

All Star Game bakah hian 3-points lut thei bik player paruk ten 3-Points Shootout an nei dawn a, state pawn aṭanga chah luh player sang tak tak pali - Sowkin Shetty (BCA), Desmond Antwine Medder (TKS), Shashank Rai (TKS) leh Dijon Najee Farr (Vikings) ten Dunk Contest an neih tur hi basketball ngaina tute tan chuan hmuh hmaih phal chi a ni lo ang.

Vikings an tlang

Ningani zan khan Mission Veng Vikings chuan an league match hnuhnung berah kai thar BC Bethlehem chu 84-67 in an hneh a, MSL-3 champion hian beisei an phak lo dawn nia a lan hnuah a zawna hnehna an chan leh theih avangin semifinal an lut.

Vikings hma hian champion lai Zarkawt BCA, vawi hnih champion tawh Khatla TBL leh season hmasa finalist Tuikual South ten semifinal an inhlangkai tawh bawk a, season dang an hman tawh ang bawkin a ṭha pali chu a ngai an ni.

Dunk Contest
# Player Club
1 Sowkin Shetty BCA
2 Desmond Antwine Medder Tukual South
3 Shashank Rai Tuikual South
4 Dijon Najee Farr Vikings
3-Points Shootout
# Player Club
1 Lalruatkima Serpents
2 Vanlalhruaizela Bethlehem
3 Lalsangkima BCA
4 Lalfakzuala Tuikual South
5 H. Laldinsanga Khatla TBL
6 Lalhmachhuana Vikings
North All Stars:
# Player Club
1 Lalrina Renthlei BCA
2 Zonunsanga BCA
3 Dennis Lalmuanpuia BCA
4 Mathew Remtluanga Sailo BCA
5 Sowkhin Shetty BCA
6 Shashank Rai TKS
7 Desmond Medder TKS
8 F. Zodinthara TKS
9 R. Lalnunpuia TKS
10 Lalfakzuala TKS
11 R. Lalrinawma Serps
12 PC Lalremruata Serps
South All Stars:
# Player Club
1 Vernon Young TBL
2 Moses Zorema TBL
3 Lalnunsanga TBL
4 Vanchuangpuia TBL
5 H. Laldinsanga TBL
6 Dijon Farr Vks
7 Lalhmachhuana Vks
8 Zonunsanga Vks
9 Michael F. Lalawmpuia Vks
10 Lalhlunmawia Vks
11 Samuel Malsawmkima BCB
12 K. Lalbiakzuala BCB