Odegaard faktu Ian Wright

Arsenal legend Ian Wright chuan Martin Odegaard a fak hle. Tun season Premier League-a North London club hmasawn theihna chhan chu Real Madrid aṭanga midfielder an lakluh Odegaard vangah a ngai.

Nipui bazar lai khan Gunners hian Odegaard hi an la nghet. Mikel Arteta enkawlna hnuaiah hmun nghet a chang chho a, ball pass thiam leh hmathlir nei thui a nih avangin Mesut Ozil awm loh hnua a hmunruak luah thei tura ngaih a ni mek.

Wright chuan, "Odegaard hnathawh hi hmuh hmaih theih a ni lo, kum 23 mi chauh la ni mah se player naupang dangte tana entawn tlak a ni. A ṭhiante a ho khawm ṭha a, a bik takin goal nawr kawnga sulsutu a ni," a ti.

Norway international hian an match hnuhnung bera Wolves an hneh ṭum khan goal mawi a khung. Pathianni zan dar 10:00-ah Leicester City an mikhual dawn a, point thum hlawhchhuah leh ngei an tum ang.