Bengaluru-ah stadium khata inkhel en an phal

India leh Sri Lanka ten vawiin chawhnu dar 2:00 aṭangin M Chinnaswamy Stadium, Bengaluru-ah Test match vawi hnihna an khel dawn. Men in Blue hian Test match vawi hnih khelh tura hmasa zawkah hnehna an chang tawh.

Karnataka-ah Covid-19 vei nasa taka a tlakhniam avangin Karnataka State Cricket Association chuan stadium khata entu awm theih tur thu an puang. Tun ṭum Test match hi March 12-16 chhung hian chhun leh zanah khelh tur a ni a, entu an ṭhahnem ang.

Test match hi ni nga chhung khelh tur a ni a, en man hi ni tina lak a ni. En man hi chi lia thliar a ni a, a man to ber hi Rs 1250 niin a dang pathum hi Rs 750, Rs 500 leh Rs 100 te a ni.

First Test kha PCA Stadium, Mohali-ah khelh a ni a, Virat Kohli-a'n Test match 100 a khelhnaah hian entu 50% chauh an phal thung.