Sindhu leh Saina an tla

Kidambi Srikanth leh H S Prannoy ten German Open-ah quarterfinal an lut a, hmeichhe player ṭha PV Sindhu leh Saina Nehwal te erawh second round-ah an zinkawng a tawp thung.

World championship silver medallist Srikanth-a'n 1-16, 21-23, 21-18 in Lu Guang Zu a hneh a, semifinal lut tur chuan Olympic champion Viktor Axelsen a hneh leh a ngai dawn. Seeded pakhatna hian Toma Junior Popov 21-17, 21-10 in a lo hneh ve thung a ni.

Inkhel dangah world number 8 hlui Prannoy chuan Lee Cheuk Yiu 21-19, 24-22 in a hneh a, a match lehpekah chuan Lakshya Sen leh seeded palina Anthony Sinisuka Ginting inkhela chak zawk a hmachhawn leh ang.

Hmeichhe singles lamah Sindhu chu Zhang Yi Man nen minute 55 an inkhelh hnuah 14-21, 21-15, 14-21 in a chak lo. Olympic medal vawi hnih dawng tawh hi hripui len hnuah a la che fuh hleithei lo.

London Olympic bronze medalist Saina pawh Thai Ratchanok Intanon lakah 10-21, 15-21 in a chak lo. Saina hian hliam a nei ngun hle a, tun hma lama a khelh ṭhatna ang kha a la nei let leh thei lo a ni.