Match hmasaah Gunneswaran a chak

India rama tennis inelna lian Maharashtra Open-ah tualchhung tlangval Prajnesh Gunneswaran chuan a match hmasa berah Yannick Maden hnehin second round a inhlangkai.

Thawhlehni inkhel-ah India tlangval Gunneswaran hian German player lakah hian 7-6(4), 7-6(5) in hnehna a chang, set pahnihah an inkhel tawk hle; hun pawimawh laia point hmu thei Gunneswaran zawk a vannei.

India player dang Sumit Nagal leh Ramkumar Ramanathan te chu hneh nei loin an tla tawh a, tunah chuan Gunneswaran hi India beiseina a ni mek.

Doubles lamah Leander Paes leh Matthew Ebden te ṭangdun chuan seeded pahnihna Divij Sharan leh Artem Sitak te inkawp chu 6-2, 7-6(5) a hnehin second round an lut bawk.