Kolasinac-a'n hri leng a kai

Arsenal defender Sead Kolasinac chuan Covid-19 a kai tih hmuhchhuah a ni. Kolasinac hi an ram Bosnia and Herzegovina tan a feh chhuak a, hri leng vang hian natna nei hran lo mah se a inkhel thei rih dawn lo.

Nilaini zan khan Bosnia leh Italy an inkhel, inkhel tur zinga mi ni mah se Kolasinac leh Ibrahim Sehic te chu hri an kai avangin an inkhel ve thei lo tih Bosnia and Herzegovina football federation chuan an puang.

Kolasinac bakah hian Arsenal player dang midfielder Mohamed Elneny pawhin coronavirus hi a lo kai tawh a, Egypt international hi Cairo-ah khung hran mek a ni. 

Gunners hian Pathianni zanah Premier League khel turin kai thar Leeds United an tlawh dawn a, an player pahnih hi an chhawr thei lo ang.