Bucks ngamtu Warriors

NBA champion lai Milwaukee Bucks chuan nimin zing khan ngam loh an tawng. Bucks hi Golden State Warriors lakah 122-109 in an chak lo, regular season kal laia vawi 26 an tlawmna a ni ta.

Golden State lamin an player ṭhate an chhawr thei tawh. Klay Thompson-a'n point 38 a nei a, season hmang ṭha tak Andrew Wiggins chuan point 21 a nei ve bawk; anni pahnih hi an chak theihna chhan langsar an ni.

Bucks tan Giannis Antetokounmpo chuan point 31 a nei a, ani lo chu point 20 ni tling dang an awm lo. Quarter khatnaah inkhel tawk viau mah se, quarter hnihna leh pathumnaah Warriors an chungnun em avangin an sang tlang.

GSW chak puitu Thompson chuan, "Match ṭha tak a ni. Mimala chet ṭhat hi a nuam, chutih rualin kan sawi fo tawh ang khan team chetṭhat hi a pawimawh lai ber chu a ni," tiin a sawi a, tuna an dinhmunah an lungawi thu a sawi bawk.

Western Conference table-ah Warriors hi pathumna an ni mek, playoff khel turin ka tling chiang lo mah se, an che sual viau a nih ngawt loh chuan a thiam pariat chin inelnaah an tel phak a rinawm.

NBA - Nimin Results
Minnesota Timberwolves 113 - 104 Miami Heat
Cleveland Cavaliers 91 - 101 Chicago Bulls
Indiana Pacers 119 - 108 San Antonio Spurs
Milwaukee Bucks 109 - 122 Golden State Warriors
Toronto Raptors 127 - 115 Denver Nuggets
Sacramento Kings 125 - 134 Utah Jazz
Washington Wizards 118 - 127 Portland Trail Blazers

March 12, Inrinni
Dallas Mavericks 113 - 100 Houston Rockets
New York Knicks 114 - 118 Memphis Grizzlies
Charlotte Hornets 142 - 120 New Orleans Pelicans
Utah Jazz 102 - 104 San Antonio Spurs
Toronto Raptors 117 - 112 Phoenix Suns
Washington Wizards 109 - 122 Los Angeles Lakers