Mittui nen Osaka a liam

Indian Wells aṭangin Naomi Osaka a tla a, mipui lam aṭanga auh nawmnah a nih avangin tennis court a chhuahsan dawnah Japanese star hi a ṭap, season dangah a inlan chhunzawm leh ang em tih a sawi chiang thei lo.

Nimin zing second round inkhelah Osaka hi Veronika Kudermetova lakah 6-0, 6-4 in an tlawm. Inkhel entu zinga pakhat chuan ring lenglawng takin, "Osaka, i hne awm," tiin a lo au el a ni.

Nikum khan Osaka hian rilru lam harsatna a nei a, hun rei tak chhung chu tennis khel loin a chawl. A lo kir leh hnuah ngai a la awh leh lo, tun hma lama a khelh dan phung nei let leh tur chuan hun a mamawh rei tawhin a rinawm.

Grand Slam vawi li champion tawh Osaka chuan, "Auh elna hi chu ka dawng fo a, ngaia neih chen pawh ka nei. He hmunah hian tun hmain Venus leh Serena te unau pawhin hetiang hi an lo tawk tawh, rilru a ti thar khawp mai," a ti.

Williams unau hian Indian Wells hi kum 14 chhung ngawt an khelh duh loh phah a, tournament buatsaihtu lamin player ṭha an koh theih loh phah. Chutih rualin an tel lo pawhin inelna chu a kal ngaiin a kal reng tho.

Second round inkhel dangah Emma Raducanu a chak. British tleirawl hian Caroline Garcia chu 6-1, 3-6, 6-1 in a hneh, seeded 11-na hian third round-ah chuan Petra Matric a hmachhawn leh ang.