Hmahruaitu Kulikawn

Mahuma Memorial 1st Division Screening Tournament-ah Kulikawn chuan hma an hruai. Inrinnia league round inkhelah Kulikawn hian Legends chu run 217 ngawtin an sawp a ni.

Kulikawn hian league match vawi nga an khelhah ṭum li hnehna an chang, anmahni ang bawka vawi li chak Ramhlun Venglai aiin net run rate an nei ṭha zawk a, table chung berah an awm theih phah.

Suaka Cricket Ground, Sihhmuia inkhelah Kulikawn hi ṭhum vawra vannei zawk niin vuak hmasak an thlang a, over 46.3 chhungin run 277 an siam a, target sang ṭha tawk tak an siam.

Legends lamin Pervez Ahmed (4 wickets) leh TC Laledenthara (4 wicket) te an ngam lo, run 60 bak an siam thei lo. Match nga an khelh tawh chinah chak ni hmel an la hmu ve lo a ni.

Vawiin hian a hmun ngaiah inkhel pakhat a awm leh dawn. Chawhma dar 9:00-ah Gorkha leh Chhinga Veng an inhmachhawn ang. 3C hi an chak a nih chuan RVL leh Kulikawn tlan pelin hmahruaitu an ni thei ang.