Salah a la dam thei lo

Mohamed Salah chu Covid-19 lakah a fihlim tawh em tih ennawn a ni a, Liverpool forward a la fihlim lo. Inkhung hran a ngaih avangin Premier League leh Champions League match khat ve ve chu a khel thei dawn lo niin a lang.

Kum 28 mi Salah hi kar hmasa khan hri a kai tih hriatchhuah a ni a, Nilaini khan a dinhmun hi ennawn leh niin hri leng lakah a la fihlim lo niin Egyptian Football Association chuan an sawi.

Premier League champion Reds chuan an player hi Pathianni zana Leicester City an hmachawn hunah an chhawr thei dawn em tih an la sawi chiang lo, sorkar inkaihhruaina dan erawh an zawm a ngai ang.

Thawhlehni khan Salah chuan twitter lamah a dinhmun sawiin, "Mi hrang hrang min tawrhpuina bakah dam leh thuai tura duhsakna ka dawng a, a lawmawm hle. Hun rei lote hnuah ka rawn inkhel leh thuai ang tih ka chiang," a ti.

Salah hian Premier League season kal laiah inkhel bul a la ṭan kim vek a, goal riat a khung tawh. Foxes a hmachhawn thei lo a nih chuan Liverpool tan channa lian tak a ni dawn.