Hoffenheim leh Bayern an inhnehtawk

Bayern Munich-in Champions League-a harhtharna an chan hnu lawkah Bundesliga-ah an chesual nghal. German champion hi Hoffenheim nen Inrinni zan khan 1-1 in an inhnehtawk.

Rhein-Neckar Arena-ah Hoffeheim-in bul an ṭan ṭha a, Bayern captain Manuel Neuer an tlang thei lo. Bavarians pawhin chance an nei a, Serge Gnabry leh Thomas Muller ten keeper Oliver Baumann tan hna an siam ve ve.

Muller hian goal a khungah a inngai a, offside vangin an pawm lo. Hoffenheim zawkin goal an khung hmasa a, Christoph Baumgartner-a'n minute 32-naah a khung.

Bavarians goal bawh a na sawt a, Muller goal khung offside vang bawkin an pawm lo. Amaherawhchu first half injury time-ah Robert Lewandowski-a'n siphurh sutna goal a tauh lut.

Julian Nagelsmann-a hoten chakna goal khung nan minute 45 an nei a, goal an khung belh lo. Lewy khung chu offside vangin pawm a ni lo a; Leroy Sane, Gnabry leh Muller ten chance ṭha an hlah a, goal a luh belh lo.

Bayern-in match 26 aṭangin point 60 an hmu a, Borussia Dortmund aiin point 10-in hmu tam rih mah se match hnihin an khel tam zawk. Dortmund hian nizan khan Arminia an hmachhawn a, an chak a nih chuan Bayern nena an inthlauhna hi point sarih chauh a ni tawh ang.

March 12, Inrinni
Union Berlin 1 - 1 Stuttgart
UNI : Taiwo Awoniyi 41' (P)
STU : Sasa Kalajdzic 90'
Freiburg 3 - 2 Wolfsburg
FRE : Vicenzo Grifo 7', 44'; Nico Schlotterbeck 87'
WOL : Max Kruse 52'; Maximilian Arnlod 84'
Hoffenheim 1 - 1 Bayern Munich
HOF : Christoph Baumgartner 32'
BAY : Robert Lewandowski 45+3'
Augsburg PSTP Mainz
Borussia M'gladbach 2 - 0 Hertha Berlin
BOR : Alassane Plea 22' (P); Matthias Ginter 59'