League A khel tur Wales

Nations League-ah Wales-in League A khel turin match hnuhnung berah Finland 3-1 in an hneh. Finland player Jere Uronen chu minute 12-naah hnawhchhuah a ni a, Wales hna a awlsam phah.

Wales tan Harry Wilson (29'), Daniel James (46') leh Kieffer Moore (84') ten an khung a, Finland tana Teemu Pukki (63') goal khung chu a score line tih mawina chauh a ni.

Captain Gareth Bale chuan, "Hneh loh nei loa inelna zawh hi hun rei tak kan tih tawh lo a ni a, inrintawkna pawh kan ngah phah khawp ang. Euro atan kan rilru ka pe ang a, tun anga kan rilru a huai zel hi a pawimawh ang," tiin a sawi.

Wales hian match ruk khelh aṭangin point 16 an hmu a, vawi ruk khelhah vawi nga an chak a, vawi khat an inhnehtawk.