Vawiin tlaiah Veteran League Final

Mizoram Football Association Veteran League Final chu vawiin tlai dar 4:45 hian Lammualah an inkhel dawn a, South Zone leh East Zone an inhmachhawn ang.

League round-ah South Zone hi hmahruaitu an ni a, amaherawhchu match hnuhnung pahnihah an khingpuite nen an inhnehtawk ve ve. Chutih-rualin league round-a an hneh awmchhun East Zone erawh final-a an hmachhawn tur hi a ni a, 4-1 zeta an chak avangin nomawi chawi tura rinkai an ni.

South Zone-in tlar-hmaah goal ruk khung tawh R. Vanlalfela an kawl a, goal thum khung tawh Lalthanpuia a pawimawh bawk. Hetihlai hian East Zone-in MPL7-a Mizoram Police final thlenpuitu coach R. Lalbiaksanga leh manager B. Lalneihsanga te an kawl a, South Zone barakhaih dan tur duanchhuah an tum ang.