AIFF executive an ṭhukhawm

India rama football thuneitu sang ber All India Football Federation chu Inrinni khan Football House, New Delhi-ah an ṭhukhawm a, he hunah hian Mizoram Football Association Secretary Lalnghinglova Hmar chu a tel.

AIFF Committee hian thu pawimawh tak tak an rel zingah I League second division khelh tur chungchang sawiho a ni a, December-ah khelh ṭan tur niin team 23-in second division hi khelh duhin an dil a, Chhinga veng FC pawhin an dil.

Team 23-te dilna hi AIFF Club licensing inspection team chuan an zir chiang leh phawt ang a, League Committee hmaah an pharh leh dawn a ni.

AIFF hian Kolkata khawpuiah India junior team aṭanga senior team thlengin an chhawr theih tur AIFF Centre of Excellence an buaipui mek bawk a, hmasawnnate an thlir ho.