Muaythai Championship zo fel
Inter District Muaythai Championship 2018 chu Inrinni khan Ramhlun Indoor Stadium-ah kharna hun hman a ni a, a pumpuiah Aizawl district cheṭha berin club mala pakhatna chu Dawrpui Muaythai Club an ni.
Muaythai Association of Mizoram buatsaih district hrang hrang inelna hi a vawi khatna a ni a, club cheṭha ber Dawpui Muaythai Club-in gold medal 12, silver medal 8 leh bronze medal 4 an dawng a, pahnihna Falkland Muaythai club chuan gold medal 7, silver medal 4 leh bronze medal 6 an dawng ve bawk.
Championship-ah hian district paruk - Aizawl, Lunglei, Saiha, Serchhip, Kolasib leh Champhai aṭangin player 154 an tel a, weight category 28 a awm a, a vawi khat nan Demonstration leh Wai Kru hmanga inelna buatsaih a ni bawk a, medal 99 semchhuah a ni.
Joseph Vanlalhruaia (Hunthar) chu Best Fighter niin, district inelnaa pahnihna - Lunglei district aṭanga che ṭha ber Zobawk Muaythai Club chuan gold 2 leh silver 2 an dawng ve bawk.
Medal Tally
# Club/District G S B
1 Dawrpui MC 12 8 4
2 Falkland MC 7 4 6
3 St.Joseph MC 3 2 3
4 Venghlui MC 3 1 -
5 Ṭhuampui MC 2 2 4
6 Edenthar MC 2 2 2
7 Zobawk MC 2 2 -
8 Chaltlang MTC - 1 -
9 Bethlehem VT - - 2
10 Phuaibuang - 2 -
11 Lunglei - - 1