Sri Lanka-ah England an chak

England chuan kum 2001 hnua a vawi khat nan Sri Lanka-ah test series an la. Nimina khelh zawh tak second test-ah hian England hian 57 runs-in Sri Lanka an hneh a, third test khelh tur la awm mah se first test-ah 211 runs-a hnehna an chan avangin series an la chiang tawh.

Pallekele International Cric­ket Stadium, Kandy-a inkhelah hian England hi coin toss-ah chakin bat hmasak an thlang a, first innings-ah run 290 an siam a, Sri Lanka-in run 336 in an chhanglet. Second innings-ah England-in run 346 an siam a, mual neitu erawh run 243 an siam tihin an thi fai vek a, khualmualah England an chak.

English bowler Jack Leach chuan second innings-ah run 83 pein wicket nga a la a, first innings-ah wicket thum la bawkin hnehna an chan kawngah a che ṭha hle. Batting lamah captain Joe Root chuan century siamin run 124 zet a vaw chhuak bawk.