BBC African Footballer of the Year 2018 Dawng thei tur hming chhawpchhuah a ni

BBC chuan kum danga a lo tih ṭhin tawh angin African Footballer of the Year award a sem chhuak dawn a, Medhi Benatia (Morocco), Kalidou Koulibaly (Senegal), Sadio Mane (Senegal), Thomas Partey (Ghana) leh Mohamed Salah (Egypt) te chu dawng thei tura chhawpchhuah an ni.

BBC African Footballer of the Year hi BBC website lamah vote theih a ni a, December 2 thleng vote theih niin December 14-ah sem a ni ang. Nikum khan Liverpool forward Mohamed Salah chuan he chawimawina hi a lo dawng tawh a, tun hmain Jay-Jay Okocha, Michael Essien, Didier Drogba, Yaya Toure leh Riyad Mahrez ten an dawng tawh.

Chawimawina danwg theite

Medhi Benatia (Morocco)

Kum 31 mi Juventus defen­der hian season hman zawh takah khan a zawna a vawi li nan league nomawi a chawi a (Bayern Munich = 2, Juventus =2), World Cup-ah khan Moro­cco tan captain a ni bawk.

Kalidou Koulibaly (Senegal)

Napoli defender hi kum 27 mi niin season hman zawh taka Juventus nen nomawi an inchuhna kawngah player pawimawh a ni a, Senegal tan World Cup-ah khan minute 270 a khel kim vek.

Sadio Mane (Senegal)

Kum 26 mi forward hian World Cup-ah Senegal tan match khel kim vekin Japan lakah goal a khung a, match hnihah captain a ni bawk. Season hmasa Champions League-ah Liverpool tan goal 10 khungin final-a 3-1 a an tlawmna inkhela an goal neihchhun hi a khung a ni.

Thomas Partey (Ghana)

Atletico Madrid midfielder hi Diego Simeone-a player rinrawl zinga mi a ni a, Europe club liante chil ti puttu a ni.

Mohamed Salah (Egypt)

Season hmasaah Premier League-a mimal chawimawina dawn theih zawng zawng a chawi kim a, goal 32 khungin league record a siam a, Champions League-ah goal 10 a khung a, World Cup-a Egypt goal hnih chu a khung ve ve a ni.