Messi leh Neymar an au el

Paris St-Germain chuan Bordeaux 3-0 in hneh mah se fans lawm a kim thei lo. Le Parc des Princes-a inkhel entu tam tak chuan Lionel Messi leh Neymar te an au el - Champions League lama beisei an phak lohna rah chhuah a ni.

PSG tan Kylian Mbappe, Neymar leh Leandro Paredes ten goal khat ṭheuh an khung. Ligue 1-ah chuan point 15 zetin an sang fal, an champion dawn tia sawi ngam a ni tawh, an lawm erawh a kim dawn lo.

Real Madrid lakah 2-0 in an dinhmun a ṭha hman, amaherawhchu Karim Benzema an ngam loh avangin PSG hi quarterfinal lut phak loin an tla. UCL duh vanga an lak Neymar leh Messi chungah fans an lawm thei rih lo a ni.

Mauricio Pochettino chuan, "Parc des Princes chhunga thil thleng kha a mak, a tawi zawnga sawi chuan a lungchhiat thlak," tiin fans chet dan a dem a, a player ṭha pahnih hian khelmualah fans lawmna an siam leh ngei a beisei bawk.