Legrand Cup ṭan a ni ta

Legrand Cup, MFA Futsal 2021-22 Season Opening Tournament chu nimin aṭangin Lammualah khelh ṭan a ni a, Covid-19 vanga hun rei tak inelna buatsaih theih a nih tawh loh avangin inelna hian ngaihhlut a hawh hle.

MFA hnuaiah league pahnih a awm a, a sang zawk Futsal League-ah team 16 an awm. Futsal League hnuaiah hian Division 1 awmin team 62 an awm bawk.

Nimin khan match 20 khelh a ni a, vawiinah match 18 a awm leh dawn. Futsal League leh Division 1 inelna hi a hrana kalpui a ni a, group khatah team pali zela dah niin a sang ber zelin knockout stage an lut ang.