Point la hmu lo Aizawl FC tan chak a hun

I League khelh mekah Mizo club Aizawl FC chiahin point an la hmu lo a, vawiin tlai dar 2:00 hian Sudeva Delhi an hmachhawn dawn. Yan Law hote hian match hmasa paliah point la hmu lo mah se an match hnuhnung bera an khelh dan erawh a lungawithlak a, RoundGlass Punjab laka an khelh dan anga an khel nawn thei a nih chuan hnehna an chan a rinawm.

Mizo club hi match hnuhnung berah an vanduai takzet a, Punjab lakah hun rei zawk hma hruai mah se injury time-ah goal hnih an chhuah avangin 4-3 in an chak lo. AFC hi Asier Pierrick Dipanda Dicka, Samuel Lalmuanpuia leh Ayush Dev Chhetri te awm hnuah an khel a hmuhnawm sawt a, Sudeva Delhi lakah beiseina sang tak an nei ang.

Vawiin Inkhel Tur
Sudeva Delhi 2:00 PM Aizawl FC
RoundGlass Punjab 4:30 PM Sreenidi Deccan
Real Kashmir 7:30 PM Neroca
March 16, Nilaini
Rajasthan FC 2:00 PM Indian Arrows
Mohammedan SC 4:30 PM Churchill Brothers
Trau 7:30 PM Kenkre