Hri leng inkaihhruaina a mak - Durant

Kevin Durant chuan New York khawpuia Covid-19 inkaihhruaina mak a tih thu a sawi a, a teammate Kyrie Irving chu inkhel ve leh thei thuai se a duh thu a sawi tel bawk.

New York-ah hian inkhel tur chuan vaccine lak a ngai, tunah chuan inkhel en tur tan vaccine an la ngei a ni tih lantirna ken kher pawh a ngai tawh lo. Inkhel tur erawh chuan a la ngai reng thung a ni.

Irving hian vaccine a la duh lo, season tir lamah khan Brooklyn Nets chuan squad-ah an telh lo. Tun hnuah an telh thar leh a, mahse New York khawpuiah bik chuan a la inkhel thei lo, a hmunah inkhel erawh a en thei thung!

Durant, "A mak angreng khawp mai, ka hriatthiam loh lam tak a ni," a ti. Los Angeles Lakers star LeBron James pawhin inkhel thei si lo, mahse inkhel en thei bawk si chu mak a tih thu a lo sawi ve tawh bawk.

James awmna Lakers hi nimin zing khan Phoenix Suns lakah 140-111 in an chak lo. Suns hi playoff khel tura tling chiang tawh an ni a, chak lo Lakers erawh Western Conference table-ah pakuana an ni.