Hmahruaitu thar Chhinga Veng

Chhinga Veng chuan Gorkha chu wicket sarih a hnehin, tualchhung cricket inelna Mahuma Memorial 1st Division Screening Tournament 2021-22 hmahruaitu an ni. 3C hian match nga khelhah vawi li hnehna an chang.

Kulikawn leh Ramhlun Venglai te pawh vawi li bawk an chak tawh. Mahse, ṭum li ṭheuh chak zingah net run rate nei ṭha ber Chhinga Veng an chungnung a, hmahruaitu an nih theih phah a ni.

Vawiin hian Suaka Cricket Ground, Sihhmuiah round 6 khelh chhunzawm nghal a ni dawn, chawhma dar 9:00-ah Chanmarians leh Hunthar an inhmachhawn ang.

Team pariat inelte hian league round match sarih ṭheuh an khel dawn, chumi hnuah a sang pahnih ten March 26, Inrinni hian final an khel dawn a ni.