A tawp nan Dovizioso chak ber

Pathianni zan khan ruah sur nasa tak karah MotoGP Valencian Grand Prix tlan a ni a, rider 13 ngawtin intlansiak an tlan zawh theih loh ṭum hian Andrea Dovizioso chuan hnehna a chang - Ducati rider hian nomawi chawi lo mah se a tan season kharna duhawm a ni ngei ang.

Circuit Ricardo Tormo tlan­kawng­ah Dovizioso hian Suzuki rider Alex Rins leh Spanish tlang­val Pol Espargaro te hma a thlengin pakhatna a ni a, season tawp ruala MotoGP chawlhsan tur Dani Pedrosa chu panganaah a thleng.

A vawi nga nana world cham­pion ni chiang tawh Marc Marquez chu a tlan tluan lo a, bike intlansiakna sang ber bika world cham­pion vawi sarih ni tawh Valentino Rossi pawh a tlan tluan lo.

Rider championship bika pa­hnih­na ni chunga season khartu Do­vizioso chuan, "Kuminah a vawi li nan hnehna ka chang a, tun ṭuma kan intlansiak bik hi chu a ngaihnawm hle. Tlan kawngah tui a tling hnem a, khatiang taka harsa karah chesual loa hnehna ka chang thei hi ka lawm hle," tiin a sawi.

Valencian Grand Prix Results
# Rider Ram Team Time
1 Andrea Dovizioso Ita Ducati 24mins 03.408secs
2 Alex Rins Spa Suzuki 24:06.158
3 Pol Espargaro Spa KTM 24:10.814
4 Michele Pirro Ita Ducati 24:12.055
5 Dani Pedrosa Spa Honda 24:16.759
6 Takaaki Nakagami Jpn Honda 24:35.696
7 Johann Zarco Fra Yamaha 24:36.214
8 Bradley Smith GB KTM 24:36.519
9 Stefan Bradl Ger Honda 24:39.784
10 Hafizh Syahrin Mal Yamaha 24:40.606
Final Championship Standings
# Rider Ram Team Points
1 Marc Marquez Spa Honda 321
2 Andrea Dovizioso Ita Ducati 245
3 Valentino Rossi Ita Yamaha 198
4 Maverick Vinales Spa Yamaha 193
5 Alex Rins Spa Suzuki 169
6 Johann Zarco Fra Yamaha 158
7 Cal Crutchlow GB Honda 148
8 Danilo Petrucci Ita Ducati 144
9 Jorge Lorenzo Spa Ducati 134
10 Andrea Iannone Ita Suzuki 133