FC Goa tan Sergio Lobera a rinawm
Indian Super League hmahruaitu nilai FC Goa chuan an coach Sergio Lobera chelh zel turin contract thar an ziahpui a, kum 41 mi coach hian season khat dang atan contract a ziak - nakkum season tawp thleng chu Goan club hi a enkawl dawn tihna a ni.
Barcelona youth team boss hlui Lobera hian season hmasa ṭan dawn khan Brazilian legend Zico thlakin FC Goa hi a enkawl a, season duhawm tak hmang nghalin ISL final a hruai thleng.
Tun season-ah pawh season hmasa ang thoin attacking football hmuhnawm an pho chhuak a, season hmasa ISL-a goal khung hnem ber team (42 goals) hian tun season-ah pawh match sarihah goal 21 khung leh tawhin goal khung hnem ber an ni mek a, point 16 nei tawhin hmahruaitu an ni mek bawk.
Spanish coach Lobera hian Spanish second division club Las Palmas pawh a lo enkawl tawh a, Goa a zawm hma khan Morocco club ṭha Moghreb Tetouan-ah kum thum a cham hman bawk a ni.