Mizoramin Sikkim an hneh

Vijay Merchant Trophy Under 16-ah Mizoram chuan ni­min khan hnehna an chang a, Sikkim chu wicket hnihin an hneh.

BCCI hnuaia inelna hi Suaka Cricket Ground-ah neih a ni a, Pathianni khan khelh ṭan a ni. Sikkim bat hmasa zawkin first innings-ah hian run 219 siamin over 68.2-ah an out vek.

Mizoram an ropui bik lo. Over 35 chiah an daih a, wicket hloh vekin run 85 chiah an siam. Niminah second innings khelh chhunzawm niin Sikkim-in Mizoram bowler Priyansh (4 wicket) an ngam lo a, over 25.4-ah out vekin run 71 chiah an tlin.

Mizoram tan batting lamah pawh Priyansh bawk a chet ropui chhunzawm a, run 124 ngawt siamin a tawp thleng a dam - Mizoramin over 55.4-ah run 206 siama wicket riat hlohin hnehna an chang ta a ni.